van

《工作、生活与奋斗目标》

琴日去会咗一会婷仔。

呢次市考距又做唔晒d题啦，等两个星期后嘅省考再战过。同距系博多一幸舍边食边倾。

距讲到工作后要么要加班，要么就要做家务，可以复习公务员考试既时间好少。的确，要边工作边保持精力去继续学习係一件唔容易嘅事。距公司同距同年纪嘅女仔要么好有事，要么有背景唔使愁，每日落班就谂要去边度食饭去边度打麻雀，距同慢慢开始拒绝聚餐。嗯，做得好，拒绝无用社交，落班私人时间梗係要留俾自己啦。

距阿头同距讲，如果一个人三年都重复做同一件事，甘呢个人系呢个岗位就再都无上升既空间了。于是我提到咗我e+嘅工作，每日就係做一d手板眼见功夫，工资上过得去（但系婷仔觉得唔高，orz），但系无晋升嘅空间。婷仔建议我，既然份工咁hea，就平时学写公文。最近有人投诉距地公司，公司要出通告，但系无乜人写野写得好，于是呢个任务又落到名校大学生婷仔身上。通过呢个任务，参考好多公文，慢慢摸到少少门路，虽然一开始写几百字就系咬文嚼字上用咗半个钟。我同婷仔讲，我e+虽然唔系练紧公文，但系都算係做紧同样嘅事——练习写电影故事梗概。第一次写，有d拖拉，用咗足足两个几钟。之后写多几篇，感觉越黎越好。但係又发现新问题——用嚟用去都係果几个句型。于是每次写完又睇下人地係点样概括嘅，每次都可以学到一两个我谂唔到嘅好词语。

我觉得係写作方面，我们终于开窍。应该係话，我们终于勇敢迈成第一步了。

然后又同婷仔讲咗呢个月我每日大概做d咩——练日语、学日语、尝试做手账、学烘焙，发现呢个月真係过得好充实。婷仔仲问我，听唔听得问博多一幸舍店员成日好嘈咁讲紧乜，哈，梗係明啦，いらっしゃいませ啊嘛。安利婷仔学做手账，发现生活中细小又令你有成就感嘅事，记录，从中获得自信。婷仔问我系咪唔考公务员住，我话係阿，呢份工虽然就係打杂，但系适合e+嘅我。我都好多谢呢份还算清闲嘅工，俾咗一年足够嘅时间我，可以考虑清楚e+应该做d咩，学d咩。对，我地都认为掌握一门唔过事嘅技能真係好重要。我地要成为有实力淘汰人嘅人。人都係唔可以太hea啊，要有奋斗目标。

食完饭就同婷仔去逛街，尝试成日都好多人排队嘅皇茶，点左咪奶盐，好饮！甘啱又见到友唱mbar。“要唔要试下唱？”“好啊，一直都无稳到人陪我唱！”于是我地又愉快甘尝试左友唱15分钟。其他人都坐係度，得我两个站係度乱唱，又自拍，搞到出面好多人都望住我地，哈，又疯咗一次。之后又逛咗一下精品店，淘到手账用嘅胶带、贴纸同周计划表，正！咁就唔使特登上网买咯~~~点知买完野，婷仔嘅老细就急call距翻去加班，orz...

翻到去俾JJJ听我地唱嘅歌，距表示：“自（ha）己（nan）人（ting），自（ha）己（nan）人（ting）。”捂面哭~~~